ශ්‍රී ලංකාවේ ජාතික තොරතුරු සන්නිවේදන තාක්ෂණ හා ජංගම දුරකථන ජාලය වන SLT-MOBITEL, මේ වනවිට ‘සබැඳියාවේ සත්කාරය’ ප්‍රජා සත්කාර ව්‍යාපෘතිය යටතේ දිවයිනේ රෝහල් කිහිපයකට PCR යන්ත්‍ර පරිත්‍යාග කිරීමට පියවර ගෙන තිබේ. එහි ප්‍රථම අදියර යටතේ කෑගල්ල දිස්ත්‍රික්කයේ කරවනැල්ල මූලික රෝහලට PCR යන්ත්‍රයක් පරිත්‍යාග කරන ලද අතර, දෙවැනි PCR යන්ත්‍රය පසුගියදා මාතලේ දිස්ත්‍රික් රෝහල වෙත පරිත්‍යාග කරන ලදී.
SLT අධ්‍යක්ෂ ජනාධිපති නීතිඥ මොහාන් වීරකෝන් මහතා, මාතලේ දිස්ත්‍රික් මහ රෝහලේ අධ්‍යක්ෂ වෛද්‍ය අසේල කේ. දිසානායක මහතා වෙත PCR යන්ත්‍රය භාරදුන් අවස්ථාව. මාතලේ දිස්ත්‍රික් පාර්ලිමේන්තු මන්ත්‍රී රෝහණ දිසානායක, මාතලේ දිස්ත්‍රික් මහ රෝහලේ නියෝජ්‍ය අධ්‍යක්ෂ වෛද්‍ය එස්. ජේ. රත්නායක යන මහත්වරු සහ SLT-MOBITEL නියෝජනය කරමින් නිලධාරීහු පිරිසක් මෙම අවස්ථාවට එක්වූහ.
ඉදිරියේදී මොනරාගල මූලික රෝහලට සහ කොතලාවල ආරක්ෂක විශ්ව විද්‍යාලයේ රෝහලට PCR යන්ත්‍ර දෙකක් පරිත්‍යාග කිරීමට SLT-MOBITEL සැලසුම් කර ඇත. SLT-MOBITEL දාන පාරමිතා වැඩසටහන යටතේ මේ සඳහා මූල්‍ය අනුග්‍රහය හිමිවන අතර, එම සත්කාරයට දායක වූ සියලු ජනතාවට SLT-MOBITEL සිය ප්‍රණාමය පුද කර සිටියි.
