I-Panel, ශ්‍රී ලංකාවේ තිරසාර සහ පරිසර හිතකාමී සිවිලිම් පැනල නිෂ්පාදකයා

ශ්‍රී ලංකාවේ ජනප්‍රියම සිවිලිම් පැනල නිෂ්පාදන සන්නාමය වන I-Panel, පරිසර හිතකාමී හා තිරසාර නව නිෂ්පාදන පෙළක් වෙළඳපොළට හඳුන්වා දීමට පියවර ගෙන තිබේ. I-Panel යනු IDEA සමූහ ව්‍යාපාරයට අයත් සන්නාමයක් වන අතර, නිරන්තර පර්යේෂණ හා සංවර්ධන කටයුතු සමගින් එය තිරසාර හා පරිසර හිතකාමී ක්‍රමවේදයන්ට අනුව තම ව්‍යාපාර කටයුතු සිදුකරයි.


රටේ වනාන්තර හෙළිපෙහෙළි කිරීම බරපතල ගැටලුවක් වී ඇති අවධියක මෙම තිරසාර නිෂ්පාදන පෙළ වෙළඳපොළට හඳුන්වා දීමට I-Panel කටයුතු යොදා ඇත. තේක්ක, කිතුල්, මහෝගනි, සහ නැදුන් ඇතුලු තවත් ආකර්ෂණීය රටා රැසකින් මෙම පැනල වෙළඳපොළට පැමිණේ. I-Panel මේ දක්වා සිවිලිම් පැනල වර්ග අඩි මිලියන 50 ක් පමණ නිෂ්පාදනය කර ඇති අතර, මේවා නිෂ්පාදනය කිරීමට ස්වභාවික ලී භාවිතා නොකිරීම හේතුවෙන් පරිසරයටත් සමාජයටත් විශාල යහපතක් සලසමින් සිවිලිම් ලෑලි වීමට තිබූ ගස් දස දහස් ගණනක් තවමත් ජීවමානව පවතියි.


අනෙකුත් සාම්ප්‍රදායික සිවිලිම් නිෂ්පාදන වලට සාපේක්ෂව I-Panel සිවිලිම් පැනල සඳහා වැයවන වියදම 25% කින් පමණ අඩු වන අතර, ඒවා සම්පූර්ණයෙන්ම දේශීයව නිෂ්පාදනය කරනු ලබයි. මේ හේතුවෙන් ආනයන සඳහා වැයවීමට ඉඩ තිබූ විශාල මුදලක් රටට ඉතිරි කර දී, රටේ ආර්ථිකය ශක්තිමත් කිරීමට දායක වීමට I-Panel සමත් වී ඇත. එමෙන්ම එම සමාගම මේ වනවිට පවුල් 5,000 කට අධික සංඛ්‍යාවකට ජීවනෝපාය අවස්ථාවන්ද උදාකර දී තිබේ.


IDEA සමූහය සෑම විටම තිරසාරත්වය හා පරිසර හිතකාමීත්වය සම්බන්ධයෙන් දැඩි අවධානයක් යොමුකරන සමාගම් සමූහයකි. UPVC අපද්‍රව්‍ය ප්‍රතිචක්‍රීකරණය කිරීමේ ක්‍රියාවලිය එහි කර්මාන්තශාලාවලට පමණක් සීමා නොවන අතර, ‘I-Panel Store’ ජාලය මෙන්ම බලයලත් ‘I-Panel සිවිලිම’ නියෝජිත ජාලය හරහා ද ක්‍රියාත්මක වේ.

LEAVE A REPLY

Please enter your comment!
Please enter your name here